भावपूर्ण श्रद्धांजली आज, २१ जुलै २०२६ रोजी, वेस्टर्न रेल्वे एम्प्लॉईज युनियनतर्फे दिवंगत कॉम्रेड विकास गुप्ते यांच्या स्मृतिप्रीत्यर्थ आयोजित शोकसभा अत्यंत भावपूर्ण वातावरणात संपन्न झाली.
या शोकसभेला महाराष्ट्रातील विविध कामगार संघटनांचे ज्येष्ठ नेते, पदाधिकारी आणि कार्यकर्ते मोठ्या संख्येने उपस्थित होते. वेस्टर्न रेल्वे एम्प्लॉईज युनियनचे महामंत्री कॉम्रेड जे. आर. भोसले तसेच नॅशनल रेल्वे मजूर युनियनचे महामंत्री कॉम्रेड वेणू पी. नायर यांनी कॉम्रेड विकास गुप्ते यांच्या संघटनात्मक कार्याचा, नव्या कार्यकर्त्यांना घडविण्याच्या त्यांच्या विलक्षण क्षमतेचा आणि कामगार चळवळीतील त्यांच्या अमूल्य योगदानाचा गौरवपूर्ण उल्लेख केला.नॅशनल रेल्वे मजूर युनियन, एचएमएस आणि एआयआरएफच्या वतीने त्यांना भावपूर्ण श्रद्धांजली अर्पण करण्यात आली. यावेळी कॉम्रेड आर. के. मलवारी, कॉम्रेड पी. जे. शिंदे, कॉम्रेड संदीप जाधव, कॉम्रेड पुष्कर पाटील, कॉम्रेड सुधीर घोरपडे आणि कॉम्रेड बालकृष्ण गांगुर्डे उपस्थित होते.कॉम्रेड विकास गुप्ते यांचे संघटनात्मक नेतृत्व, माणसांना जोडण्याची त्यांची अद्वितीय कला आणि कामगार चळवळीप्रती असलेली त्यांची निष्ठा सदैव प्रेरणादायी राहील.
दिवंगत कॉम्रेड विकास गुप्ते यांना भावपूर्ण श्रद्धांजली! लाल सलाम!
