चिपळूण येथे १० ऑगस्टच्या सामूहिक रजा आंदोलनाची जोरदार तयारी!
दिनांक ०४ ऑगस्ट २०२६ रोजी चिपळूण स्टेशन येथे नॅशनल रेल्वे मजदूर युनियनच्या वतीने आगामी १० ऑगस्ट २०२६ रोजी कोकण रेल्वेवर आयोजित सामूहिक रजा आंदोलनाच्या पार्श्वभूमीवर कामगार मार्गदर्शन सभेचे आयोजन करण्यात आले.
या सभेस नॅशनल रेल्वे मजदूर युनियन, CR/KR चे महामंत्री कॉ. वेणु पी. नायर यांची प्रमुख उपस्थिती होती. तसेच असिस्टंट जनरल सेक्रेटरी कॉ. जॉन ओमेन, असिस्टंट जनरल सेक्रेटरी कॉ. कुमार घोसाळकर, विभागीय अध्यक्ष कॉ. रमाकांत नाडकर्णी, विभागीय सचिव कॉ. दिवेकर आणि असिस्टंट सेक्रेटरी भाई गुजर यांची उपस्थिती लाभली. कॉ. वेणु पी. नायर, महामंत्री यांनी उपस्थित रेल्वे कर्मचाऱ्यांना १० ऑगस्टच्या सामूहिक रजा आंदोलनाची भूमिका, उद्दिष्टे आणि आंदोलनाचे महत्त्व याबाबत सविस्तर मार्गदर्शन केले.तसेच रत्नागिरी विभागातील नॅशनल रेल्वे मजदूर युनियनच्या पदाधिकाऱ्यांनी उपस्थित कर्मचाऱ्यांना आगामी आंदोलनाबाबत मार्गदर्शन करून मोठ्या संख्येने सहभागी होण्याचे आवाहन केले.या कार्यक्रमासाठी चिपळूण शाखेच्या वतीने कोकण रेल्वेच्या विविध स्थानकांवरून बहुसंख्य कॉम्रेड्स उपस्थित राहिले, त्यामुळे सभेला उत्स्फूर्त प्रतिसाद मिळून कार्यक्रमाची शोभा वाढली.
कॉ. कुमार घोसाळकर, असिस्टंट जनरल सेक्रेटरी यांनी आपल्या मार्गदर्शनात स्पष्ट केले की, कोकण रेल्वेच्या कर्मचाऱ्यांवर होणाऱ्या अन्यायाविरुद्ध नॅशनल रेल्वे मजदूर युनियन भविष्यातही वेळोवेळी संघटित आंदोलने उभारून कर्मचाऱ्यांच्या न्याय्य हक्कांसाठी ठामपणे लढत राहील.** एकजूट • संघर्ष • विजय** कामगार एकजुटीचा विजय असो! नॅशनल रेल्वे मजदूर युनियन जिंदाबाद! कामगार एकता जिंदाबाद!
